17 იანვარს Apple-მა ახალი პროდუქტები წარმოადგინა, როგორიცაა MacBook Pro 14 და 16 ინჩი, ასევე M2 Pro და M2 Max ჩიპები – ყველაზე მძლავრი და ენერგოეფექტური ჩიპები პროფესიონალური ლეპტოპებისთვის.
მათთვის, ვინც კომპიუტერის შერჩევისას მნიშნელობას ანიჭებს სიმძლავრეს, სიჩქარესა და რთული ამოცანების შესრულებას, მაშინ ეს მოდელი საუკეთესო არჩევანია. M2 Pro და M2 Max ჩიპსეტები შექმნილია მეორე თაობის 5 ნმ პროცესის ტექნოლოგიის გამოყენებით, რაც გასაოცარ მუშაობას გპირდებათ.
M2 Pro და M2 Max ჩიპებით აღჭურვილი 14 და 16 დუიმიანი MacBook Pro სიმძლავრისა და სიჩქარის ახალ საფეხურზე გადადის, როგორც ელემენტის გამოყენებისას, ისე შეერთებულ მდგომარეობაში. ბრწყინვალე Liquid Retina XDR დისპლეი, ყველა საჭირო პორტი და ელემენტი, რომელიც მთელ დღეს მუშაობს დამუხტვის გარეშე — ამ პროფესიონალურ ნოუთბუქს შეუძლია ყველაფერი, რაც გჭირდება, სადაც არ უნდა იყო.
ძირითადი მახასიათებლები
- ბრწყინვალე Liquid Retina XDR დისპლეი გამოირჩევა ექსტრემალური დინამიკური დიაპაზონით და გასაოცარი კონტრასტულობით
- M2 Pro ან M2 Max ჩიპები უზრუნველყოფენ განსაკუთრებული სისწრაფესა და სიმძლავრეს.
- 12-მდე ბირთვიანი ცენტრალური პროცესორი: 20 პროცენტამდე უფრო მეტი სიჩქარე პროფესიონალური დონის ამოცანებთან კიდევ უფრო სწრაფად უმკლავდება ყველანაირ ამოცანას.
- 38-მდე ბირთვიანი გრაფიკული პროცესორი: 30 პროცენტამდე უფრო მეტი სიჩქარე რთულგრაფიკიანი აპლიკაციებისა და თამაშებისთვის
- 96 გბ-მდე გაერთიანებული მეხსიერება: ყველაფერი სწრაფად და მოქნილად მუშაობს
- 18-მდე საათი დამუხტვის გარეშე.
- 8 ტბ-მდე ზესწრაფი SSD საცავი ფაილებისა და აპლიკაციების მომენტალურად გასახსნელად
M2 Pro
მეორე თაობის 5 ნმ პროცესის ტექნოლოგიით აგებული M2 Pro შედგება 40 მილიარდი ტრანზისტორისგან, რაც თითქმის 20 პროცენტით მეტია M1 Pro-სთან შედარებით. მას აქვს 200 გბ/წმ ერთიანი მეხსიერების გამტარუნარიანობა. მოცულობა კი 32 გბ-მდეა, რაც ორჯერ აღემატება M2-ს და 32 გბ-მდე დაბალი ლატენტური ერთიანი მეხსიერება.
შემდეგი თაობის 10 ან 12-ბირთვიანი CPU შედგება 8 მაღალი ხარისხისა და 4 ენერგოეფექტური ბირთვისაგან, რითაც M1 Pro თაობასთან შედარებით, წარმადობა გაიზარდა 20%-ით. ეს ნიშნავს, რომ აპებს, როგორიცაა Adobe Photoshop, შეუძლიათ მაქსიმალური დატვირთვით უსწრაფესად შეასრულოს სამუშაოები.
GPU-ს ვხვდებით 16 და 19 ბირთვიანი ვარიანტით. 19-ბირთვიანი GPU მოიცავს უფრო დიდ L2 ქეშს და არის 30 პროცენტით უფრო სწრაფი ვიდრე M1 Pro-ში, რაც ზრდის სურათის დამუშავების ხარისხსა და გრაფიკული თამაშების გასაოცარ შესრულებას.
M2 Max
M2 Max კიდევ უფრო აძლიერებს Apple Silicon-ის მუშაობას და შესაძლებლობებს 67 მილიარდი ტრანზისტორით, რაც 10 მილიარდით მეტია M1 Max-ზე და სამჯერ მეტი ვიდრე M2. მისი 400 გბ/წმ ერთიანი მეხსიერების გამტარუნარიანობა ორჯერ აღემატება M2 Pro-ს და ოთხჯერ აღემატება M2-ს. M2 Max ასევე მხარს უჭერს 96 გბ-მდე სწრაფ ერთიან მეხსიერებას.
M2 Max აღჭურვილია 12 ბირთვიანი გრაფიკული პროცესორით. გრაფიკული პროცესორი მოიცავს 38 ბირთვს: M1 Max-თან შედარებით, გრაფიკული კომპონენტი 30%-ით გაიზარდა. ეს კი უმკლავდება ინტენსიურ სამუშაოებს.
თქვენ შეგიძლიათ მარტივად შეასრულოთ ყველაზე რთული დავალებები. მაგალითად, შექმენით სცენები ექსტრემალური 3D გეომეტრიითა და ტექსტურებით, ან შეუთავსეთ მასიური ფოტოგრაფიული პანორამები. M2 Max ასევე აღჭურვილია უფრო მძლავრი მედია ძრავით, ProRes-ზე ორჯერ მეტი შესრულებით.
